Gamlei ka lungsiat nang di’n;
Gin um in; gin um zing in aw..
Tuni a hichibang a thih hong tun guih pen lamdang kisa in, lu bang aaktuam chia chia phathei phial hi. Aziak hidia a gintak huai mahmah ahihleh “alienated” kisak luatziak ahihkeileh; a guuk a thawhauna ziak hi ding in a gintak huai hi. Himahleh a solution omloupi a, hichi a moov mawk chih pen in mitampite sentiment hon sukha mah mah a, poi ichi lou theikei hi. Hichi mai a; mi sang zatamte’ kinepna teng huutsak ding chih pen lungpi gel thei khat a a ding in, ngaihkhawk huai mahmah hi. A bang pen tak in hon hip hi hiam chihte bang le a theih ut huai a, en le abang pen tak deih leh lam en ihi hiam chihte i ngaihtuah phat uh ahoih ding e. Zan lam deuh a gentak sa bang in Kangpokpi area, Nagaland, leh Assam (Tripura) te a kithehdalh naklua ahihman un, huai pen existential threat dan a la a; politics a bawl theih theih bawl uh ahitam achih huai sim sim a, lah; bang pen tak ziak hi ding hiam chih gen a haksa mah mah hi. Hiamhleh bit kisaklouhna (insecurity) bang bang hiam ziak a hichibang political process a hong ki kigolh louh di uh isak lai a; hong kigolh uh tuh ahi ta mai hi. Huaiziak in, amau tuh solkal a dia, “easy tool/vanzat zaangkhai” a suah uh kan a advantange neilou uh ahipen mai hi. Mimal nih leh thum te va mawhsak dek mawk lele; amau thu a gamtang ahihkhollouh ding ziak un; kimawhsa khial thei hi. Ahi a, amau mimal utna tellou bel ahisam kei ding a, himahleh i gen pen bel, Pa Thupiak “Jesu” in hon semkhia chih di bang ka sa sim hiau hiau hi.
the masked intent
they walk in light with face so kind,
leaving the shadows of heart behind.
an angel’s smile through heat of day,
hiding their traps; they set the way.when dusk arrives the sun sinks low.
the secret face begins to show.
the game is played with hidden hand.
upon a shifting, hollow sand.they do not walk by rules we know.
where seeds of doubt are left to grow.
trust is a mask they wear a while,
before they trade for darker style.©myinkdom 2026
Hichi bang a thilhih a ngaihtuah thei chiang chiang in “hoih e” chi a gen di a vang mahmah ding a, himahleh i et veng veng chiang in bang pentak in secure louh sak hiam ichih leh ‘lei leh gam” or “gam le gaw” thu khawng mah ahi ding hi. Bubit kisak louhluat ziak bang a le thilteng va nawangkai sak theih ahidiam chih bang ngaihtuahna ah a om hi. Chimai le, amau adia dinmun setawp khawk a din hun ua le Meiteite’ pang abelh uh kan omlou suak hitop mai a; aziak hidia i gintakte tampi mahmah le i luikhe khinta hi. I va kituk lut lut mawk sek hang in; i political goal naktak a hetkha a, tua event et in ngial ngial in, political goal nei thei didan le hi taktak lou mah uh a diam, a chih huaina chiang a tam a, lah political goal khawng tampipi; a lui khe ve thou jel ua, a khenchiang in kikhemna mai mai toh a teh theih jel hi. Huaikia le hilou in Thingnoi bang le a dimset a om veve thou ahi a, tuate bang le clannish politics sai ihih kei uleh tuh khat a gawm khawm bang hileh ‘meaningful’ ding in a gintak huai mah mah hi.
Tuni in political goal nei taktak mah ihi uhiam cihte kivel chian thak le a ut huai a, ahuchih keileh zaw, bangmah lou a kimawk pei buai maimai isuak kha ding uhi. Khatvei vei lah a gam a leitang in pawkhelou abang a, demography a kithehthang ziak bang in le ahi thei a, munchin-gamchin ah i om ziak a le lung khat pu khawm theilou, huchi dia lah thu a kithu neisak ut uh jel bang, ipi ti ham aw, ‘i gam hilou ham‘ chih dante khawng le gintak haksa phialphial hita. Huai tuh leadership crisis ahi peuhmah, makai khat in amite a a gawmkhawm di tuh amawhpuak ahi a; belam khat mangthang leh vakthap thei dingte; gantatna mun a pikik ding tuh makaite ahi hi. Gandhi lungput iput ngai mahmah ding hi. Tuaziak in makai dinmun bang le abaih hetkei ding a; mi gen leh sak chauh a le puksiat theih ding ahi hi. Ahi a, thilhoih bawl/sep a nuam lua koi mah a om ngeilou leng akichi a, a dik ding hi. Makai chitak ichih sahkhawa vai chauh ahihlouh ding ahi a, i hihna na a gin om ding ahipen mai hi. Critic ihihleh le gen dite gen ngaite gen di ahimai hi. Kei le kei a kana kidot gige khat ahihleh thilteng ah sum amasa a koih ding mah ihi di uam ka chi hi. Politics bang ah thei law lawm lawm khol kei lele, hichi dan a; sum leh pai lutna leh zekna mun ahi aki chi a, hong taktak mah le ahi di maw? A thei chiang deuhte’n anuai ah hon comment zial zial un, a poi se kei e!
Politics ichih tuaziak in, theihlouh kal a “guulau” bang le hihkhak theih ahimai mah diam ah. Popular Government join di lemsak pih lou taktak mah ihi na uhia, chihite kingaihtuah thak ni. Sohpih hoih veh ute, Meteite mitnauta akipan taikhe theilou taktak di mah ihi uhia, yes le ahi thei a, no le ahithei, himahleh a poimawh bel, conditions bawl masak di ahi. A hong huchih louh chiang in ‘unau-unau‘ ideology te bang le theihsiam ahong haksa sim mahmah hi. Hun tampi ah unau unau i chih sek pen out of the box/out of order khat hita ahi diam a chih huai mahmah. Tuni thitung in bang chi dan hiam khat a, hon vei vaivaw longh dan khat om mawk ka sa, ngaihdan leh muhdan tampi a hong piang thakthak hi.
Lushai hills nutsiat nung a akum a za hial nung in le Meiteite’ khutzat a pan touh touh ding tuh, thil poitak ahi., Ahi a, ngaihtuahna ah “aw” i neih na di’n, i settlement/tenna mun in le thu ana paw mahmah ahi chih hong kisai thakthak hi. A hoih theipen a gen in tuni a moove pen “Survival Game” play chih dan tuh ahi phot peuh mah a, huai kawm kawm in, poi sak huai mahmah ahihleh anthropological setting et in; scatter (kithehdalh) community ihi ua a, huai a disadvantage na tam mahmah hi.
Unau khat ihi kei chi a kipaih theih taktak le aki hikhol kei jel a, i pau uh bang le lah haksalou, va gengen louh a le linguistic circle khat sung a om khin ahi a, himahleh amau “Kuki” idea leh Zo idea ina paipih uh a, tua in abiik in Manipur kichi state khat sung a omte hon sehkhen siksek ahita mai a, tuni a thiltung pen a proof kichetna chiang sitset khat a hong suak ta hi. I et veng veng leh bel poi petmah chih di ahi pen mai hi. Zo identity pomte’n koi a Kuki idea va pom di lah haksa kisa (1997 gal ziak le hisam lou), “Colonial Literature” i et leh Kuki chi a ei le ei; chikmah a na kichi ngeiloute ihihman un, pom haksa sa aki hi mai hi. Unau laigui zom kichite hichi bang a kikhen neng nung ihi mai ua; ahoih pen tuh ana hikhol kei ding. Manipur sung a atam in zaw politics saikhawm thei dia om hi nazen pi, ‘lung khat pu khawm theilou” a om nilouh pen a bang politics saikha ihi di uam, clan politics maw, aihkeileh tribe politics maw, eike lah family business maw, bang ahi dia? Mi’n politics, as a scoiety/community a dam pih a, khantouh pih ahihlai un, en koltanpih ihi di uam ka chi hi.
Eilawi khenkhat Naga hills chiang bang va tung veng veng, khenkhat lah Cachar hills (Assam) ana tung uh, bangzah hiam tak lah Lamka kim a om uh, 1845/50 akipan ana kithehdalh ihita uhi. A thu a la bel i theikei a, sui lele theih zoh dile ahi khol kei ding, colonial text in le aziak a zaal; record chetlou abat ziak in, i moov uh bang teng ziak ahitam i theikei
Suilung a awi na em;
Singkhol a sawl bang la hei ding?
Gin um ding thimthu lei tiamte;
Ngilh mai ding la ki awi nam?
Huiva bang nuam a i len laite nite;
Gel in gel tiam in!
Khenlouh thimthu i tiam sate,
Milh mai ding la ki awi nam?
Gin um ding thimthu neitiam sate kha,
Milh mai ding la hem?taken from Kinepna (2004) movie Song
Huaiziak in idea khat pawkhawm lou tuh vai saikhawm lem lou suak phot ahita mai a, hiai bang a vaisai khawm theihlouhna pen tuh heutete’n angmasial lou a; a et kai ua, akikhenzakte gawm a, thukhat lakhat a luankhawm ding vai a sai ding uh ahi hi. Tuni in a “Solution” omlou pi a thil hong kihei mawk pen, a poi lam deuh ahi kha ding e! Manipur politics i chih bel MLA seat lunggulh ngoih ngoih hial ihih keileh bel etlah luat di bang mah omlou, i voice lah “vailak zunthak” bang mai, majority: a setting a omsa 40:20 or 40:10:10 ziak in lem khelou a suak a, en lah law dah mai le bang a chi dia, ka chi ut nawn hi. Huai ban ah politics hita zen mah leh kikhembawl dan pian a—pil chalak deuh taka, thil sai di le ahikei a, diktak leh honest tak in, leh open deuh a gen suk mai le mipi’n deihzaw ding hi. Alienated kisak luatziak a, uingol gamphut ihihkhak ding bang le a lau huai veve hi! hichia thilteng mawk bawlchai pahpah lou bang le ahoih zaw mai diam. Hiai cross road a i din lai in, mitampite sentiment hetdulh/liam thei di thilte sailouh phot tuh ahoih ding a. lah, akichhai abang nawn jel ta hi. Bang pentak ahi diam i politics sai uh chih a theih ut huai. “Vaihawmna tuam‘ a deih huai a, hunte paisak zek in, i solution ding bangtan hiam bek ah kikangh zek bek thei hile zaw maw, tua lawmte’n hon cheap muh law ta duh e!
“Heutute” mahmah a chihtak kei uleh, lampi omlou ahi, mipi movement hitawk lele, mipi in makai kinei ahihna ah mipi in makaite va ki makaih thei mawklou ahi a, democratic term tak a mipi in makaite va mawk makaih chih le hi zenzen tuan samlou ahihteh maw! Makaite mahmah a chihtak uleh kou na “…tu le tate” un zalenna gim beek dik kha di ka hi uhi.
Ahihleh, ei lawi bang i chita di ua pu editor bang a na ngaih dan?
