“Literature is a reflection of life”.
#PaiteLitt_Fest 2018 Review”Literature is a reflection of life”.Khovel ah ‘pau leh ham’, ahihkeileh ‘pau leh lai’ lou a nungta kuamah omlou hi. Hun leh kum hong paizel a; akhang akhang a sim i pailiam nung in i paute hong kigelhkhia, phetlou in, midang—namdang— eisang a thupi zaw abiik in western civilisationte laigelhte tampi i letkhia ua, huchi’n tuate i literature laigil hongsuak tawmtawm uhi. Tulai in literature ichih ipaukhiakte kia hitalou in, i gelhkhiakte genna lam hizaw hi. Khang tampi paita in Orature (kam a thu kipiak sawn) akipan Literature ah kikhinna ichi hia masawnna hong om hi. Tuate ei lakah leng ahi veve a, tuni chiang in khovel kilchih ah siit, kuamah om nawnlou hi. Orature ichih Ancient Greekte a kia ana hilou a, i pi ipute’n leng ana nei uhi. Himahleh tampi mangthang ahita diam chih ngaihsut huai mahmah kasa hi. Khanglui tangthu chi a, i nelhsiah khak a, i khulmangh khak di lauhuai mahmah hi. Moral hoih taktak nei khanglui tangthu nei sam ding in gintakna ka nei hi. Lengtong Hoih, Liandou leh Thanghou, Ngaita leh Gulpi, Khupching leh Ngambawm leh adang dang tampi ahi uhi.
Tuate banah, dan-leh-dun, ei kivaipuakna dikhop, pupa akipan laksawn leng I nei tham ding uhi.Hiaite I genna san ahihleh I hihna (identity) taktak tuate ah muhtheih a, nationalism define ding hileng, ABC/A AW i zatdan a define mai mawklou a, kuateng in tawndan paizia kibang ana nei a, kuateng chikhat-sakhat ana hi uhiam chih kichian takin muh theih ding hi. Tuni chiang in, dahhuai tak ei, gamgi in kilchih ah hon dinkhumta a, atak a kigawmna ding theihphak ahikei hi. I hihna theihchetna ding in India in zaleena amuhma, Burma in zalenna amuhma, Manipur tua i tenna; India gammi hidia a kipiaklutma, Mizoram in Statehood a muhma leh I lak a tuni a kikhennenna neuhneuhte a om ma hunte ah kikzek ngaiding hi. Abik in British Colonisation (upkhumna/vaihawmna) in nakpi in hon khonung hetkha a, poi chih kan gen di omlou suak hi. Tuaziak mah in Colonial Country teng in tuni chiang in Post Colonial Studies neivek uhi. India in leng anei tham tham a, en kinei taktak nailou ahitam ka chi. Lai leh pau beeka ikigawm theihna ding a, pan I laklouh ngal lampi dang omlou suak ahi phot hi.Tuni chiang in hichihlouh ding, khachih louh ding iki chi theivekta ua, ngaihdan hoihpipi inei tham uhi, I laigelh dan toh kisai bang ah adik mahmah hi, mainawtna ihi chihbel theihtheih hi.
Himahleh, mihingte ngeina danin heutu kineihte ihi uh a, hoih mah mah hi. Heutu neikei le, abuai huai mahmah ding, mahni utna lamchiat zuiding, azawh, kithelthang khin ding hi. Innsung ah mohpuakna a om bang in, inn pua ah leng mawhpuakna kinei a, tuate atom a gen in nationalism leh identity toh kisai bang I khotangvai leh khotang dinmun bang, leh adang dang hi uhi. Huaiziak in heutu hiam makaite thu apai tuh idamna ding hizaw di’n ginna lianpi kanei hi. Huaiziak in good leadership leng apawimawhna neu hetlou hi.Aleh lamtak ah kikhen/nen ihat ua, a neuhneuh a tam hi. Sakmin tuh ingaina mahmah uh chih ding ahimai hi. Himahleh government in apahtak lamtak ahi a, “…dik e, nuam e, hoih e,” chi chi ding un ka gingta riau ruau hi. “…Hiaite ak, hiaite kel, hiaite ui, hiaite donkey, hiaite belam” chih bang a hon thei ding un kakoih mawkmawk hi. Huaiban ah, “…hiai ui leh akte, a Dil kitoh lai in, kidiah khawm henla, adangte dil kidiah louh chiang in kidiahleh” chih bang, plan a beubeu a nei ding un, ka gingta pong hi.
Amasa in, chi laini maw, hiai bang vaisaitu PLSte pahtak huai, thamlou in phattham ching uh kasa hi. Hichidan hi ve aw, hiai kon gelhkhiak zia, gen sukpah maini maw. Gintak sangmah in Fest kibawl thupi kasa hi. Stage khat a thu tuamtuam tampi i genkhawm theihte ziak in i society ki organise mahmah ahihdan muhtheih in om hi. Thu-le-la kigente leh sate; banah hun jek tuamtuamte nuam in lohching mahmah ahi chih kei na muhdan ahi.(amun a tel bel hilou, youtube pan ka et bekbek hi) Hiai fest tungtawn in i pankhawm siamdante uh, iminam leh i laite i itdan uh ki theithei a, thathoh huai in i nguinate akipan hon halhsak thaknawn hi. Pau-le-laite tungtawnin itna, unauna leh lainatna amangsate zopkik theih ahihdan fest sung in kihah gen mahmah hi. “Literature has no boundary” chih nakpi a pholhsuah in om a, ‘zolei lungput’ pu chiat ding a khat leh khat i kihanthawn tuah tek ding hitah chih phoksuahthak in om hi.A lunglut huai mahmahna tampite laka khat ahilheh laipau, a bul-a-baal a kipan bulsutna thak hi in ka mu hi. Ahia a lah, ngaihdan tuamtuam tampi leng om tham hi. Literature a genre tuamtuam ‘classic’ apan ‘modern’ lunglut mite ading in hichibang programte ah kihel tuak mahmah hi.
Banah, academic line a Cultural Studies, Linguistics, Drama, Folklore and Folktale banah Writer, Song Composer, Poetry leh adang dangte practical taktak in muh theih a, academic writings ading in phatuam pha ding in ka gingta hi. Hichi bang vai— literature a pangleenna kebbitna ding leh hoihtak a zim ahihtheihna ding in igam in hiaibang programte tampi poimawh ahihdan leng hon lak hi. Tutung fest ah thugen manpha pipi tam a, ngiahkhiak tuak mahmah hi.Digital Journalism ahoih ziak in thu-le-la kigen leh kisakhete access olsam in baihlam a; amun atel mah kibang in, lungdam huai mahmah hi. LittFest follow-up na social meidia tuamtuam akigente leh amun a kigente kibang lawlou ahi diam aw ka chihna chiang a om hi. Facebook ah “CH, C, G, AW, O” chihte kihah gen a, amun ah bel hiaiteng sanga thukzaw tampi kigen hizaw lou hiam ka chi hi.Hiai Literary Fest hih fest mai hilou in, ‘social enlightenment’ leh ‘intellectual thinking’ hong piangkhiakna ahih ka lametna lian mahmah khat ahi. Ka etma in thu kigen leh la kisate hichi pi di’n kana koih kholkei a, ahihhang, tua akigendan dungzui in, honzou a, mun tampi ah hon nouu zou mahmah zawmah lai hi. Huaiziak in, “Ehe! Hiai di mah eivoi” ka chi phet hi.
Thu leh late takpha thei in, zakkhak kisikhuai hetlou ua, theih beh tampi kinei nalai set hi. Huai banah, thil organise dan akisiam mahmahta chih le akilangh hi. Seminar leh Conference kana tel khak teite sang in sit huai hetlou a, i calibre uh genre tuamtuamte ah niamlou hial ahi chih mimaltak in ka musuah hi. A leh lamtak ah female/woman participation tawm mahmah a, Numeite Social Issue, leh Gender Role & Socially Sanction Role, Safety leh adang dang khat leh nih bang le om leh hoih mah mah ding hi chih khawng ka gingta hi. Huaituh bangdang hilou in ‘Feminism’ leh ‘Gender Studies’ hong hipah mai ding hi. Student participation bel hoih huntawk ahi diam ka chi hi. Ban ah, participative-interactive audiencete bang le hoih mahmah uh kasa hi. I ngaihdante uh hoihtak akikum thei a i om liai liai ziak un. Pop-genre or Popular Culture bang le literature ah pumpelh theih hilou a, tua pansan in khangnoute nektheihte (taste), tuailaite’n bangte ‘al’ sa a, bangte ‘khumsa’ a bangte ‘khasa’ uhiam chihte huap ding a, hiai mah in social issue tampi huapkha ding a, technology, fashion, social media leh music, stress leh anxiety te huap vek ding hi.Host leh Penalistte felthei mahmah ua, programte smooth thei mahmah in chidam huai hiauhiau hi. Hiai anuai ate ziak in LitFest bukim mahmah hi. Banah,
Literature multi-discipline or interdisciplinary subject or zaa mahmah, ahihkeileh zai mahmah ahihna leng chiangsak mahmah nawn hi. Huailou in literature ahihleh i civilisation khandan tehna (meter) hi a, nelhsiah mawk mawk theih hilou hi. Tuaziak in “Literature leh mihing i hihna, ihinna uh kizom” kichi hi, bakah mikhem peuh huapkha citciat se a hoih mah mah chih di hi. LittFest bukimsak dan a kan chiamtehte hiaite ahi uhi:1) Pupa Late, ei a dia Classical music or Folklore ahi uhi, zaklouhna bang le asawttak toh, ngaihnat huai in, hon hulum saktuan in kathei hi. ‘Lamdeel deel, leng deel deel! Lungtuakte’ chihdan piante kha!
2) Poetry/ Lavui (Matthew Arnold— Poetry is a criticism of life.) Arnold definition ngaih mahmah a; gelh tam semsem leng hinna hoih semsem ding chihna bang hi.3) Journalism— Newspaper, daily, weekly, leh Magazine,4) Digital Journalism— Cable News tuamtuam ineihte leh khotang leh lailam a, a dinmun uh leh poimawhna,5) Grammar— Grammar ah tampi kigen kei mahleh ‘C’ leh ‘CH’, ‘AW’ leh ‘O’ te ah PLS rules chiang huntawk in kigen hi.6) Literature— A liithuk lam ahuntawk in kigen hi.
Literature ichih Artistic literary production hi a, huaite article/essay, poetry, novel (fiction leh non fiction) leh adangdang gen in om hi. I literature uh ahihleh i laimal gelhdan/zatdan uh ana hipah selou hi. Tualam pang, laigelh paizia leh thaisuk, thaitouh, huai tuh thaikawite Linguistic leh Grammar lamdeuh ahitam ka chi a, bang teng hileh tuate leng Literature hivek zel mai hi.7) Translation— Translation/ Lehsawn bang hi hiam, bang chi bang a leh ding hiam chihte kigen chiang huntawk mahmah hi. Tuni tan in Translation ah omzek mah leh tam ki neithei nailou hi. I neihtam uh ahihleh Bible hi a, novel pau tuamtuam a kipan kiletsawn tam hetlou hi. Translation toh kisai in target group, chihbel translation simdingte leh a ‘cultural affinity’ chihte chiang mahmah hi.8) Linguistic— I Linguistic uh genkhak a, a om hoih mah mah hi. Hiai ah C, CH, AW leh O te hoihtak a gen dan bang om thei leh hoih mahmah diam, bang ka chi mawk mawk hi. Scholar lunglutte a ding in hiaite theorize theih di’n gingtak huai kasa hi.9) Author— Amasa deuhte leh tulai ate, hoih lawtel.
10) Song Writers— Country/Love/Religious genres
11) Cultural stuffs— Dress, folktale leh folklore12) Speech on the North and South Unity. Hiai mun ah Colonial discourse bang le tam deuh leh chih huai sim mahmah hi. Unau sanggam laizomte kithehdarlhna, a diktak agen in Britishte hon khenzakna nunga, a tuam kisakna, gamtuam tuam a om hang a khat ihihna kitheih thakna. Hiai toh kisai ken le kana gelhtei hiai ah: (Cultural Hegemony: https://myinkdom.com/a-case-study-on-cultural-hegemony/). Huchi’n ‘literature genre’ tuamtuam hun saulou chik sung in, kichiantak leh nuamtak a discussion neih ahihnung in amhuaitak in bei hi. PLS in hon lampi lah uh ei khangthakte a dinga lampi kichian hong hih ding ginna lianpi ka nei hi.Kubbehna:
Hiai anuai ate bang le kikup tuak mahmah ding in ka gingta hi. Mailam hun a hong ki cover touhjel ka lamen hi.
1) Zu leh sa hawm dan
2) Kithoihna
3) Khanglui tangthu ineih sunsunte uh
4) Pelhkhuang leh tum ging
5) Hausa
6) Samat leh Galmat
7) Zomite kikhin zia, mun khat a kipan mun dang
8) Culture before 1910
9) Culture till 1950
10) Culture in the Modern Period.
11) Academia since 1910Lungdam.© Leenthelnah
