Vualzawhna ah bang thupina om hiamchih na ngaihtuah ngei hia ? A dawnna ding ahihleh I theihsa mah bangin ‘i ngaihtuah ah, agah a khum diing dan’ I theichian uhi. Ahihleh bang chi bangte ‘vualzawhna’ kichi ahi diam? Mihingte pen Sa-leh-kha nei ihih mah bangin Sa(lam) a vualzawhna leh Khalam(Lungsim) a vualzawhna om diing in ngaihsun ni. Hiai vualzawhna I gen tegel ahihleh Mihing’ Lungsim lam toh kisai kha tuaktuak ahi uhi. Lungsim lam siam leh suui mite’n Salam kilat kia en lou in Khalam(Lungsim) ah leng en ve uhi. Himahleh Sa(lam) a vualzawhna a omlouh chiangin Lungsim ah Vualzawhna om theilou a, tua bangin Lungsima Vualzawhna a om theihna diingin Sa a vualzawhna a om ngai hi. Vualzou kisa mahmah ahihhang a Khamuang theilou chih bang leng om thei veve hi. Ataktak bel micih in kitheih vek hihang! Huchi ahihleh Vualzawhna leh a nopna bang hi a, bang hoihna hon tun hiam chih bang leng suui tuak mahmah khat ahi hi. I vualzawhna ah Kua hiam a vuallel ana om teitei a ngai a, Huailou in lah vualzou aki hithei ngeikei hi. Huaiziakin Mikhat hiam Gamkhat hiam Vualzawhna tuh Kua hiam leh Koigam hiamte a diing a Lungkham mangbatna leh Kahna-Khitui luanna ahi ngei diing hi. Huchi ahihleh I Vualzawhna in bang thupi luatna nei ahia le?
Awle, Leitung mihingte khang kipat donga kipan ki-el leh Kilai a om den ihi uh chih I sakhaw Laibute akipan na ngawn in leng imu ua; bak ah, Leitung maikaih in; leh Leitung Khangthu ah Kidouna/Kilaihna, kimeelmakna, kikhenna, kihuatna, Langpannate leh adang tampi Vualzawh utna ziakin ana omkhin a, om lellel a, hong om lai ngeingei ding in I gingta uhi. Vualzawhna bangziak a deih ihi dia le na ngaihsun ngei hiam ? Bangziak a Kidouna khawng a vualzawhna kia lunggulha, I hinna a ding a bangziak a vualzawhna kia deih leh delh anei ihi diam ? Ihinna ‘Galmun’ suaksak ihi hia ahihkei leh; ahun amun bangzel a kibawl lem tou tawmtawm ihizaw uhiam, theihkak hakpi ahi. Ahihleh na ngaihsun ngei hia Khovel kidouna phual ahih maimah tel! Ei tu a I hin hang in, a hing utlai leh Hinkhua hoihtak nei mitam pi Hiai kidouna ah gam-le-nam huutna ziak in ana mualliamta uhi. A kipiak zawhna te uh thupi in ngaihsan huai theimahmah uhi. Mihing hinna ”Pakpalh bang lel” kichi a, huaisung a kidou a phe velvul den ding ihi diam ? A dawnna zaw haksa tak ahi. Hi, ahihleh bang ahia mihing hinna a thupina ding, Khovel gamlim delh in ihinna, neih-le-lam tampi ana beikhinta hi. Hichi ding mah a Pathian in hon bawl mah ahidiam? I mi hinpih mitampi that in ei hing le, bang pen tak a nop na ding? I, adawnna hinawn leh kituak tak a om khawm diam diam ding, nekhawm-takhawm ding, kizahtak tuah chiat diing, poimawhna kipetuah tek ding chihte mihing lungsim ah a om vek a, himahleh mihing in i zangkhe khin tuan kholkei zel hi.adik mah hi, mihing in I deihdan om a; huaipen midangte deihdan ana hi khollou thei hi. Tua ban ah mi kuapeuh ihoihna lam leh I hoihzawhlouhna lam om mah ahi hi.
I mihin pihte’ itt diing. Zahtak ding, poimawhna piak ding, khamuanna/galmuanna piak ding chihte khawng mangngilh louh diing ahi, Khovel ah Ki-itna mah zaw thupi pen eive maw! Itna in bangbang huam hiam cih ei-le-ei kidong ni. Abik in Gam leh Gam kidounate bang ziak a om om ahi diam? Mimaltak a I mihinpihte it kichi chi sek ngal hanga, koi a bangchi dana gamdangte Sim utna hongpiang ahi diing? Thuneihna deihna ziak ahi peuhmah diam ahihkeileh akhang khang a kihuatna ziak ahi diam! Bangpen in gam khat leh gamkhat kidou saksak ahi diam? I khovel uh ichih chiangin- I hiina uh hiam I mihinpihte genna dan ahi a, gam-leitang ah hauhnate om mah leh Mihingte’ hinna thupi pen hi. I khovel uh zaw a sia tel mai!!! Kithah, kimat leh kisualnate hiai khovel nunzia ana hih maimah zaw, Khovel mihingte lungmuang leh kituak takin takhawm diam diam le bangzahta in a nuam diam ? Mi khenkhatte’n khovel anopdan tamvei pi ana gen gen tham ding ua, khenkhatte’n lah hiai khovel ahaksat dan khawng agen mang mawh zel uhi. Ahia, khovel a I piankhiak a kipan in bel kipak ding leh lungkim tak a nungta ding a piang ihi uhi. Huaiban ah, ihinna tup ahihleh dahna hilou in kipahna ahi gige hi. Ahizong in khatveivei i deihdan leh ut bangbang mihing kuamah ki nungta theilou hi. Mun leh a hun bangzel in nat le sat, buai na leh haksatna bak ah nopna om jel hi. Khovel nuam ahi na chi hia ? I gentak mahbang in ihihna bang bang toh nuam sa dia piang lah ihi ngal ua. Bangziak a vui a lungkham den ding ihi ua le? Ahihleh na kipahna koi a hong kipan ahi hiam? Na hihna bang bang ah lungkim in kichi a om a; tua ziak a kipah leng ahipah tuan kei, himahleh tua mun ahkipahna om hi.Pathian kiang ah kilan khe gige in; na kipahna in sawt daih ding hi.
Hun paisate ah KHOVE GALPI khatna leh nihna kum 1914-1918 leh 1939-1945 in ana omta uhi. Hiai gel ahihleh Khovel pumpi sawiling leh mi asing asing asim petmahte sihna ahi uhi. Huchilou Galkidouna adang tampi leng ana om tham a, huaite a gen a gen seng ding leng a hikei uhi; himahleh Tamlou-poimawhna nei leh theih dia hoih mahmahte I tak lang diing uhi.Huaibel tuni dong a Japante’n a suun uh; aki muanpih mahmah uh khopi nihte suksiatna leh sukchimitna ahi hi. Kum 69 pai ding hita mahleh Japante’lungkhamna leh beidotna beilou ahihman in tuni dong in a sun uh cih ithei uhi. Hiroshima leh Nagasaki,
Japan a Atom Bomb 2 khiakna thu tamlou i en khawm ding: Galpi khatna thu saaulou: Americate Kum nih leh akim (panpih tuamneilou) neutral a a om nung un Germany toh Submarine (Tuinuai Long) a, Germanyte’n Minau taang athahna uh thu a kitheih siamlouhna ban ah America in; Germanyte’n Internaational Shipping subuai a ngoh in Khovel galpi khatna ah Allies Power honzom ta hi. Hiai hun ahihleh April 1917 ahi a, Galpi khatna dul saanlai tak ahi hi. Huchi’n Hiai Allies te’n galzou in Galpi Khatna 1918 ahong beita hi. Hiai hun a Allies powerte’ ahih uh leh hiaite ahi uhi.The Entente Powers hiam Allies hiam kichi uh a Axis te hiaite ahi uh Kum 1939-1945 tan …..ziak in Galpi Nihna hong kipan nawn leuleu hi. Kidoupi IIna ah Germany a Nazi Government puuksia petmah a, Instrument of Surrender suai kai uhi. Himahleh Hiai hun ah Japan a kizawppihte’n khawlsan mah le uh phaphet lou pang tinten uhi. Huchibang kawm kal ah Ki surrender diing a vauna mulou a hituankei hi. Kum • Japan in ki surrender asawm louh ziak in Allies force ten Bomb a beih di dan PLAN chituam tuam bawl uhi. A Bomb khiakdiing un Japan gam sunga bangzahta siatna tun diing hiam chihte sui veng veng uh a, mihing (minautang) si ding zah, Bomb in agam leitang a suksiat dizah, Bomb hu ahat didan leh bangkim Bom ziak a tung dingte hisap sa diam a neiin Japan ki surrender ding in vauna chituam tuam in vau uhi. A vauna pipen uh ahih leh hiai POTSDAM DECLATION ahi hi. POTSDAM DECLARATION: Hiai in a tup leh a ngim ahihleh “Empire of Japan” te ki surrender na ding ahi. Huai toh kiton in hiai Declaration in a thutuun khat ahihleh hiai ahi: Japan vauna ahi- “Japan a ki surrender kei leh Kintak a; asetawp a Japan gam hihse diing” chih ahi. Allies Power in hiai bang a vauna apiak hangin Atom Bomb nei ahihlam bel a theisak tuankei. Hiai Atom Bomb ahihleh “Potsdam Declaration” a hon khiakma un America in Potsdam Declaration a buatsaih ma July 16, 1945 in lohching tak a etkhiakna nei uhi. Hiai Atomic Bomb khiak di toh kisai a thukimna hichi bang a om nawn hi: a)Lungsim lam a Japante adinga natna tuntu ahih ding chih ahi hi. chihleh, b)Hiai bang galvan khahkhiak ahihchiang in Khovel pumpi’n hiai galvan poimawhna a theihna diing uh ahi. Hiai kidouna hun tan ah leng America kia in ATOM BOMB nei pan pan uhi. Japan dou ding a kisak kholhna: Pacific War kichi a ding Operation lianpen dinga tup leh ngim tuamtuamte pawsuah ding a kisak kholhna thupi tak in apai lel lel hi. Hiaia Operation min ding ahihleh “Operation Downfall” ahi hi. A tup dang khenkhat ahihleh Japante Tuikulh gam, Kyushu, March 1946 a attack ding chih ahi. Huailou in ‘Air Raids'(huihkhua pan a kibeihna) ahihleh khat ahi nawn. Hiai Air Raids mangin LEAFLET 63 Million sanga tamzaw America in vauna dan in Japante Leitual ah khia uhi. Leaflet ichih chiang in Laipek zanga banghiam thu poimawhna kigelhna ahi hi. Huailouin Radio tungtawn in leng vauna chituam tuam khakkhial in om hi. Bangzong teng hitamah leh leng Japan in hiai vaunate ngeingaih hetlou in aman le a dou ding dan policy tuam tuam khung veve uhi. Huchi’n America in Leaflet tampi akhiatte lak a kigelh khat ahihleh ”we cannot promise that only these cities will be those among those attacked…”(Huai khopi suksiat dingte lak ah hiai khopite atel kha kei ding uh chih bangmah kon chiam ngam kei uh…) August 6, 1945 in Hiroshima ah Atom Bomb ‘The Little Boy kichi khia in, ninih hal August 9 in ‘The Fatman’ Nagasaki ah khe nawn uhi. Hiai attackte ahihleh Potsdam Declaration July 26, 1945 a kigen bang bang zuih ahi hi. [If Japan did not Surrender, Prompt and utter destruction kichi pen zui ahi peuhmah uh] Hiai Bomb suulnung Documentary vedio khawng ah na enkha ngei hia, a chi zaau huaidan, a mulkim huaidan leh a gam mite thuakna-Kah le Mauna! Bomb khiak ahihnung Kha 4 chiang in misi 90,000-166,000 Hiroshima khopi ah om a, Nagasaki ah 60,000-80,000 hiaizah vel hiding ain tuat uhi. Hiroshima Health Department in asite 60% meikuang hullup(flame burns), 30% te ahih uh leh Inn kichim leh tunglam a kipan thilkiete(falling debris) denlup leh 10% te ahih uh a ziak tuam tuam a si chi’n chiamteh hi Empire of Japan kichi pen Galpi khatna lai in Allies Powerte toh pangkhawm ahi ua, gam a pankhawm pihte ahihleh Britain, France leh Russia, Hiai teng thum “Centre Power” leng akichi uhi. Huchi’n a khonung in Japan August 1914 in zom a, Italy in May 1915, Romania in July 1915 leh USA in April 1917 in zom uhi. Huaiteng ban ah gam 14 toh Allies Forcete’n galpi khatna ah kizopna Kiplou (loose alliance) nei uhi. Huaiban ah Allies forecte Melma Axis Force(kidoupi khatna) te ahih ua leh hiaite ahi uhi. the German Empire, the Austro-Hungarian Empire, the Ottoman Empire, leh the Kingdom of Bulgaria te ahi uhi. Hiai gal hunsung ahihleh 28 July 1914 akipan 11 November 1918 tan in bei siang hi. Himahleh Kidoupi nihna September 1, 1939 a Germany Poland. Hon dou apan hong kipan suahta hi. Hiai galpi Nihna ah Japan in Allies powerte nusia in Axis power lam hon zom daihta hi. Aziak ahihleh Americate hong hat deuh deuh ahihman un a biik in a Political Ideology un South East Asia gamteng aloh khak ding alau ziak uh ahi hi. Americate political system ahihleh Democracy ahi a, Gamsung a makai ding peuhmah Mipi deihna bang a telkhiat ahi hi. Himahleh Japan ichih chiang in hiai bang system huai hun lai in ana nei nailou a Kumpi in ana kipua uhi. Huchi’n December 7, 1941 in Galpi khatna a ana pan pih Allies Forcete nusia in Axis powerte zomta hi. Huaileng Pearl Harbour- Americate Loung khawlmun kapsia in mihing 1400 si in 1300 liam uhi. Huchin Galpi nihna lut kipan petmahta, ahat leh ahaat, bak ah khovel in a muan mahmahte hong kisa taktakta ahihmah bangin Gal/Kidouna pen hong huaise in sousan semsem lam hon manohta hi. Hiai a Axis powerte ahi ua leh Germany, Italy leh Japan ahi ua, Tripartite Pact 1940 ah (Germany (Croatia) in March 1941 in zom uhi. Huan ah, Allies Powerte ahihleh France, Poland leh United Kingdom ban ah British Commonwealth (Australia, Canada, New Zealand, Newfoundland leh South Africa. Kum 1941 nung in, the “Big Three” maikaitute ahih ua leh Britain, Soviet Union leh United States hiaite’n Allied policy a khun uh leng ahi hi. Allies gumtu dangte ahihleh Belgium, Brazil, Czechoslovakia, Ethiopia, Greece, British Raj (India), Mexico, Netherlands, Norway, Poland leh Yugoslavia. Hiaiteng omkhawm pen “United Nations” chi’n leh 1945 in tua UN ichih chih hon phuhkhia ua, a tup leh a ngim ahihleh Galmuanna ahi. Huchi’n hiai Galpi nihna September 1, 1939 apan January khakim 1945 tan in beisiangta hi.
