[Written for the weekly news called Zawlpi Sainou in the year 2014]
Convention English Junior High School (CESK) ka nuutsiat nung sawtlou chik paipan himahleh Kum 7 ngut ana pailiam manta hi. Huailai chih tangta ahih maimah chiang in ngaihhuai ngutngut thou hi. Class Nursery apan Class VIII chiang kum 10 khawng azoh theih himahleh kum 10 val vingveng bang tua I gen ah ka hun manpha tampi kana zangbei hiilheel hi, tuaziak mah in akhonung lamah a zekai khat tuh ka suahloh hi. Tukum (2014) Fair Well Programme 75th Year –Platinum/Radium Jubillee in a huap khak geih di ziak in nuam mahmah ding in ka gingta hi. Hiai bang Jubilee hunnuam tak lawm theidia Hinna hon hoisak Pasian thupina ka pia uhi.
Mundang Gamdang a School I hong kai chiang in hiai bang a hunnuamte a vou tuam dan leh a khiatlah huai dan kiphawksuah panpan hi. Ban ah, Inn a Nu-le-Pa toh omkhawm nuam lua ahihdan khawng ki phoksuah thakthak hi. Huaimai banah, a khenchiang a nuak a ut dan dan a om theih lai hunte khawng Mitkha peuh ah hong ki lang thei dundun zel ua, am huai lua; kasa ki nuak nuak thei lai maileh chih huai sim jen hi! Nu-le-Pa kiang a om a Laisim Nuam leh Khamuan huai ahihdan kikhonung theih phing nawn hi. Aziak bel Mihing khattou, abiik in Naupang in Hasotna tampi poimoh den a, huailou in I dah/lungkhamni in Nu-le-Pa Khamuanna mahmah thupi tuam sese hi. Nu-le-Pa Khazaaknuai mah nuam pen a; “kichinlouhna ah zong kiching pen” kichi adik mah ana hi hi. Amaute Siamsinna lam ah a kiching pen leh a bukim uh chihna hipah kei mahleh – a liimnuai uh, khawtuahna le Kankuahna uh kankan omlou ahihdan theihsuah thakthak in a om. Huchibang kawmkal ah Nu-le-Pa’n zong Naupangte’ dinmun theihpih a koitan tungta uhiam chih khawng- bangkim a theihpih ding ahi. Naupangte I maban a ding a kinepna ahihziak un. Sinna chituam tuam: Lasak, Bible chang gen leh Khutsiamsil bawl amau hih theih chiang Pattah thil hoih ahi. Huchi in huaite mah Khotang(lak) a a mizia ding uh hong hi pah ding ahihman in tua bang Chi Hoihte a lungtang ua Tuh sak ding ahi. Chi kituh hong khang dunzui in a zamna ding leng bawlsak ding ahi hi. Nu-le-Pa’n Nuapang theihsiamna neinailoute tung ah mohpuakna tampi nei uhi. Bangteng hileh Naupang hong khangtou ngeingei ding a –apaina ding a chil Skulpute’ leh Nu-Pa te’n mohpuak hi a, I thuhilhna bang bang in hong zam ding uhi.
Awle, Kei na theihphak chiang ah “Fair Well – Kumkhenna” thupi leh nuam taktak in Kum teng in ana ki mang tou ngiitnget hi. Lungsim a mangthei lou, ahun dungzui a lungsim a hong kilang theizel Fair Well Hun nuam tampi omte lak ah tamlou i ngaihtuah kik ding. Fair Well zatdan ana pawsuahte Lunggeelsiam un, thupi uh kasa, ahangbel Hiai a thil kihihte’ tungtawn a Naupangte Lungsim a Chi- chituam tuam kituh ahihman in leh, Hasotna thugen Khumtak takte bang Career Guidance leh Thu-le La leh A kichin thoh Drama ten Naupangte Lungsim ah Gelh thoh louh, Sim thoh louh in Theih, Muh leh Zaak in lut mai uhi. FAIR WELL- KUMKHENNA ka theih khelh kei leh a kizatdan kum teng in kibang gige lou hi.
Skul Sung a Partition lakhia a zat hun bang, School Compound a zat leh School a programme zatzoh chiang a Nitak a YPA Hall a zat hun leng a om hi. Nitak a Programme a kineih ding chiangin sun hun in Result Puanna leh Annual Sports Result puanna kinei a, Prizete Nitak in Kipe khe zel hi. “Student Siangthou pen” leh School pumpi a “Liaisiam pen” te’n Kipahman Mit-hiip huaitak sang jel uhi. Sport Prize khawng leh adang dang hong ki hawm hawm; khat le ina tan khak kei le zaw nuam hetlou ake, Bang- ana ki lam en mawk, huaiziak khawng hina ve!!!
A kipah huai mahmah nawn ahihleh Tua i gengen Fair Well ni, Prize Hawm ni leh Result Puanni ding, Final exam khin, ngaklah tak a ngak tenten hong tun ni ahi. December khabul Khovot siikseek nuai a Lungthul Kawl apan Zing Ni nou Nemtak hong suak giai giai ta. Nisuak phet in Field hon khoh/kap pah ahihchiang a Loupa hing dipdip tung a Daitui Pak sisiate’n hon te’ iam iam ua, a san, a dum, a eng, ahing leh a ngoute’n hon tan kelkel thei uhi. Field nawl a Dailng kungte Huih in a mut ling biambiamte, Gal a Tuikui leh Tuivai dungte a, a Khal bangzen a Tuimei kizalh miuhmeuhte; Ni a san a Huih in amuut chiang a hong kilam a mangzelte leh Mallam a KhuaiKawl kikhung hinhen a Suangte Ni in ahon salh vak sing sengte bang, Biak Inn gei a Gawpi tehte SimHuih in amut ging zingzingte leh Luipi(nekna) Kuam a Tuklou ham ging ziai ziai kigal zakte khawng mitkha ah hong kilang thakthak a, a khiatlah huaithei tel mai. Huaini tuh Nithupi FAIRWELL ni leh KUMKHENNI ahi. Tuate azakha leh amu khate angai lou, a aam lou i om diam?
Angak lah huai mah mah leh a lauhuai mahmah khat a om nawn hi. Huaibel Result kipuan ding ahi hi. Result puangdia Sirte Stage tung a hong ding hial zaw kidak khe ngam nonlou Dipkaw pawl toh, aki puan khiak di ngaingam mahmah lou pawl toh, Talent Show neihna khawng a Nuih bahna dimdem toh agim huai em em mai. Piapiak Gil gul bang a ki vial thei bang i et leh nuam lawtel chih di hi! Aleh lam tak a bel khenkhat a di’n ngui huai mahmah jel, examna a failh ziaka Ann bang duh huai nawnlou, tha bei gai, Adah leh a dah loute zaw kikhaih in a om, Progress Card bang mi kilak nuam selou chih dan khawng le hive aw.
Huchia ann nekhin; Nitak Programme di Ngak ahi nawn. prize hawmna neikhin, a nuammah Drama kipan nawn ding hita. Hiai Programme te ahihleh Schoolte kia hilou in Khozang in hon uap ua, nuam thei mahmah hi. Drama kichiing ka mangngilh louh —Rome Sepaihte’n Jesu amatna uh ahi. Rome Sepaihte’n A sappa uh kiang a Jesu amat uh bangchi gawt ding chih a dawnna: 1. Beng Ding, 2. Chilphih ding cih ahi. Stomach Paining chiin lai khawng leh Nu Ana hita Uvung Nianzavung, Nu Juaiching, Pastor Sonlian leh adang adangte chetlai khawng anuam mah mahte lak a khat ahi.
Hiai bang a programme kizangte’n Naupangte hih thathou ban ah kipaksak hi. Hiai bang hun nuamte ingaihtuah kik chiang in ut huai lai tonton kasa. Sapkik thei bang hitaleh aban ban in samkik tawk ve ning e! Naupang hunlai mah nuam pen pen! Hun paisa a iki organise siamdan uh leh iki thutuah siam dante uh ziak ana hi a thupi petmah hi. Tua bang zel in leng maban ah Scholarship Trust leh Hymnal Book bawl na ding leh a dangdang te ah Pankhawm dan siam ni, Nang le kei Mohpua ihi, Kidom sang tuah chiatni. Khovel i phan ding Lian law lai hi. I sep ding leng tam mahmah lai.
Those who Forget the past are doomed to repeat it. But those who rocks Remembered.
21 October 2014.
